Сымон БАЙ для TOMIN.BY
Асноўны дыягназ у "Медыцынскай карце стацыянарнага пацыента": "проставляется после выписки".
Так двухсэнсоўна сфармуляваная графа "дыягназ захворвання". На асацыятыўным узроўні паўстае разуменне, што хворы пасля выпіскі ставіць пляшку спіртнога за лячэнне, – дзеяслоў "проставиться" мае слэнгавае значэнне "пачаставаць спіртным".
Акрамя чыста карупцыйнай складнай, можа дамыслівацца і іншая шкода, – для здароўя, ад уздзеяння алкаголю. Акрамя таго, адмысловы ўказ забараняе ўжыванне алкаголю на працоўным месцы.
Невялікая рэдакцыя пры фармуляванні тэксту фармуляра, безумоўна, дапамагла б пазбегнуць недарэчных асацыяцый, сказалі на кафедры агульнага і рускага мовазнаўства Брэсцкага дзяржаўнага універсітэта імя Пушкіна. У якасці аднаго з варыянтаў філолагі прапанавалі: "диагноз следует внести после выписки".