Расколінамі пайшлі тры працалюбівыя драўляныя жывёлы, якіх ўсталявалі перад будаўнічым трэстам № 8 ў Брэсце. Не дапамог ім і драўляны двухскатны навес. Не абараніў ад сонца ні ад ветру ды дажджу. Занадта куртатым апынуўся.
Расколіны сакавіта прайшліся па пысках камлюкаватых раней грызуноў, іхніх тулавах і канцавінах, так што колішняя іхняя маналітнасць стала шаржавай.
Некаторыя людзі, па Фрэйду, напэўна пелягуюць думку: так ім і трэба. Прычына такой сублімацыі здарэнне з ваенным пенсіянерам, якога, як вы памятаеце, па вясне смяротна грызянуў бабёр у Камянецкім раёне. Так што, ахвотныя паназіраць пекла баброў, кіруйцеся на бульвар Шаўчэнкі.