Брэстаўчаніну прыйшоў адказ з Міністэрства транспарту і камунікацый Беларусi па глыбіні ямак на веладарожках. Ён расставіў па сваіх месцах ямкі на дарогах ды вуліцах і вышыню з’ездаў з веладарожак.
Яўген Бяласін, веласіпедыст з вялікім стажам, накіраваў запыт на прадмет таго, якая максімальная дапушчальная глыбіня выбоін у асфальце, і якая максімальная дапушчальная вышыня з’ездаў з веладарожак.
Першы зварот напачатку лета застаўся без адказу. З другой спробы, восеньскай ужо, велааматар атрымаў адказ за подпісам намесніка міністра транспарту і камунікацый спадара Аўраменкі.
У адказе гаворыцца, што існуюць так званыя “крытычныя дэфекты” дарожнага палатна. Да іх належаць і выбоіны. Яны не могуць быць плошчай больш за 9 см2 , а па вертыкалі не могуць заглыбляцца больш за 5 сантыметраў.
Пры ўсталяванні веладарожак, “паводле нормаў ТКП 45-3.03-227… , вышыня бартавых камянёў праезнай часткі павінна быць не больш 0, 025 – 0,04 м, пры гэтым звужэнне шырыні праезнай часткі не дапускаецца”.
“З гэтага вынікае, што веласіпедысты могуць атрымаць з’езды нават з новых дарожак вышынёй амаль роўнай глыбіні “аварыйных” выбоін на штатнай асфальтавай дарозе, і дабівацца паляпшэння сітуацыі афіцыйным шляхам будзе бесперспектыўна” – каментуе аўтар запыту ў міністэрства.
“З аднаго боку, веласіпеднае кола вышэйшае за аўтамабільнае і лягчэй “пракатваецца” па дзірках у зямлі. З другога боку, яно больш вузкае, трымаецца на спіцах і таму больш слабое” – кажа велааматар. – “Асабіста я выпраўляю так званую “васьмёрку” ў коле некалькі разоў за сезон. А часам дык і вобад даводзіцца мяняць, бо ён ад стомленасці металу трэскаецца, і перастае быць эфектыўным тормаз. А гэта 80 – 100 тысяч рублёў”.
Так што відавочна, што трэба дабівацца далейшага памяншэння максімальнай вышыні з’ездаў.
Недзе мы наблізіліся да іх тут у Брэсце адной асобна ўзятай вуліцай Рабцава, якую пасля некалькігадовага рэмонту не прыняла дзяржаўтаінспекцыя, бо з’езды на новых веладарожках там дасягалі 10 сантыметраў.
Да гэтай восені справу там паправілі – перапад веладарожкі і перасяканых вуліц стаў не большым за адзiн сантыметр. І з’езд па ўсёй шырыні веладарожкі. Акурат як указана ў міністэрскім адказе.
Думаеш толькі: а каб заніжаную вышыню з’ездаў на вуліцы Рабцава будаўнікам ды не ўмянілі ў віну фінансавыя кантралёры. Маглі б зэканоміць у год беражлівасці. Нарматывы дазвалялі…
На вуліцы Рабцава ў Брэсце на зіму гледзячы зрабілі з’езды на веладарожках (фота)
Кого больше в Брестской крепости: автолюбителей или велосипедистов? (фото, видео)
В Брестской крепости нельзя ездить на велосипедах, роликах, мотоциклах и скейтбордах. Почему?
В Брестской крепости будут маршруты для велосипедистов и велопарковки
Velocity: Брест начал «велореволюцию» (фото)