У Брэсце фірма з вуліцы імя Касцюшкі вывесіла беларускамоўны бігборд

Сымон БАЙ для TOMIN.BY

У Брэсце фірма з вуліцы імя Касцюшкі вывесіла беларускамоўны бігборд. На бігбордзе сціпла паведамляецца: "Ужо працуем".

Гэта не адзіны беларускамоўны бігборд фірмы ў Брэсце.

Нагадаем, што імя баявога генерала амерыканскай вайны за незалежнасць, кіраўніка  антырасійскага паўстання ў Рэчы Паспалітай і ў выніку нацыянальнага героя Беларусі, Польшчы і Злучаных Штатаў Амерыкі  з’явілася на карце Брэста  нядаўна.  Вуліца імя Касцюшкі знаходзіцца ў мікрараёне катэджнай забудовы,  заснаваным на ўездзе ў Брэст па трасе М1.

Цікава, што бігборды  на беларускай мове пакуль што амаль выключна ажыццяўляюць  функцыю сацыяльнай рэкламы  – бо рэдка разглядаюцца камерцыйнымі структурамі як сродак зарабіць грошы.  І вось прыклад ад буйной фірмы, якая мае сетку крамаў па ўсёй Беларусі.

Дарэчы, фірма MART INN, якая вырабіла бігборд,  рэкламуе свае тавары па-беларуску і ў сеціве.