У Брэсце брыгада МНС здымала з даху дома на бульвары Касманаўтаў жалезны каптур.
Яго ў нядзелю 19 студзеня сарваў з месца моцны вецер, але затрымала агароджа даху.
Каб гэтай дастаткова высокай агароджы не было, жалезная канструкцыя абрынулася б на тратуар або на бульвар Касманаўтаў. Рух людзей і транспарту тут ажыўлены.
Чатырохпавярховы дом, на даху якога ляжала жалезіна, знаходзіцца каля скрыжавання бульвара с вуліцай Маякоўскага. Каптур закрываў вентыляцыйную шахту.
Аперацыя заняла каля паўгадзіны.
Спецаўтамабіль падняў на вышцы двух байцоў МНС. Яны знялі жалеззе з даху і апусціліся з ім на вуліцу.