Каля “Дываноў Брэста” помнік Леніну недафарбавалі. На гэты факт не звярнулi ўвагу нават сёння, 22 красавіка – у дзень нараджэння кіраўніка Кастрычніцкай рэвалюцыі ў Расіі.
Непадсвежаным застаўся верх галавы. Цяпер “ правадыр” быццам мае дзве лысіны: адна абазначаная бетонам, а другая фарбай.
Фарбавая лысіна мае выгляд танзуры. Гэта адмыслова выстрыжаная пляма круглай формы на макаўцы галавы, якая абазначае прыналежнасць да кліру. У праваслаўных яна называецца “гумянцо”. А ў каталікоў танзура адмененая папай Паўлам VІ у 1973 годзе.
Бюст стаіць метраў за 200 ад галоўнага ўвахода на прадпрыемства. За спіной помніка даўно не рамантаваны корпус камбіната: разбітыя шыбы і абдзёртыя панэлі. Так што існуе пэўная гармонія.
Адно што яе дастаткова цяжка заўважыць. Бетонны помнік у некалькі разоў перараслі дзве елкі. Каб адкрыць знак, дрэвам падрэзалі ніжнія галіны. Дзякуючы елкам Ленін прыцярушаны ігліцай.
Яшчэ дзве высокія елкі спераду закрываюць помнік з боку вуліцы Янкі Купалы і зацяняюць кветнік перад помнікам. Так што расліннасць перад ім даволі прыгнечаная.
Памятники Ленину на Брестчине: от великого до…
Памятник Ленину в Домачево привели в порядок ко Дню поселка? (эксклюзив)
Коричневый Ленин указывает городчукам на главную дорогу