Сымон БАЙ для TOMIN.BY
Чэргі за хлебам заўважаныя ў Брэсце. Штодня з 19.30 да 20.00 у адной з прыватных кропак хлебапрадукты прадаюць са зніжкаю ў 50 адсоткаў.
Зэканоміць можна 5 – 10 тысяч.
“Змятаюць усё, што аблегла за дзень, – дзеліцца маладая прадавачка з дыпломам тутэйшага ўніверсітэта. – Яшчэ з шостай вечара пачынаюць праходжвацца. Пенсіянеры, збольшага. Альбо мамы маладых семьяў.”
Купіў аднойчы таго таннага хлеба і я. Прыемнае адчуванне эканоміі: аддаў нейкіх сем тысяч, а поўная торба.
Тады гэта была навацыя. Без чаргі – чаму б не зэканоміць. А сёння, калі хвост чаргі вылазіць з крамы – мне асабіста не схацелася.
Але тэндэнцыя радуе.