Фотафакт. Выбух моды: зашмаргі ззаду на жаночых куртках. НАВОШТА?

Сымон БАЙ для TOMIN.BY

Калі ў першы раз убачыў жанчыну з зашмаргай на спіне, натуральна зацікавіўся. А як жа! Сама  ж яна яе не расшпіліць.  Бо пачынаецца зашмарга  на каўнеры, куды руку не выкруціш, ідзе па спіне, паўтарае  натуральную лагчынку ніжняй яе часткі і заканчваецца ўнізе. Менавіта там боўтаецца цікавенька так сабачка.  Туды таксамa дацягнуцца не атрымаецца той, хто ўнутры гэтай курткі знаходзіцца. 

Пасля першага шоку і наступнага фатаграфавання зайшоў спераду. Але ж і там зашмарга была як мае быць. Дык навошта плаціць лішнія якія-ніякія грошы? За какецтва, выходзіць?

Спытаў пра гэта жанчыну. Тая сумелася, нешта прамармытала і пайшла сабе. А я так нiчога i не зразумеў.

Вось, палюбуйцеся.