У абласным грамадска-культурным цэнтры прайшло свята роднай мовы “Жывыя вытокі”. Гэта мерапрыемства праводзіцца ўжо трэці год. Кожны год свята становіцца ўсе больш цікавым і разнастайным. У гэтым годзе ўвазе гледача былі прадстаўлены наступныя мерапрыемствы:
· абласны тур рэспубліканскага конкурсу маладых выканаўцаў беларускай эстраднай песні ХІІІ Нацыянальнага фестывалю беларускай песні і паэзіі;
· прэзентацыя музычных і кніжных выданняў грамадскага аб’яднання “Музей Малой Бацькаўшчыны ў Студзіводах” (РП);
· паэтычна-музычная вечарына “З любоўю ў сэрцы да роднага слова”;
· этнадыскатэка “Час вяртання”.
