Яйка ляжыць з краю буслянкі. Гэта выразна бачна на фота. Не ўпала таму, што заблыталася ў прутках бухматага гнязда. Мабыць, бусла нехта спалохаў, калі ён нёс яйка, мяркуюць людзі.
Буслянка стаіць на зямельным надзеле прыватнага дома. Побач вялікая азярына, далей Вяслярны канал, Мухавец, так што птушцы тут укормна. Але не зусім спакойна: горад.
Цяпер птушка заўзята сядзіць у гняздзе. Напэўна, выседжвае больш шчаслівыя яйкі. А страчанае або не бачыць, або не можа дастаць, або разумее, што ўжо запозна, бо яйка замерзла.
