Сымон БАЙ для TOMIN.BY
Сёння, 10 мая, аўтар пяцікніжжа “В поисках утраченного времени” быў заўважаны ў эпіцэнтры спёкі і плыні турыстаў ля вісячага маста цераз Мухавец. Прытуліўся за столікам, на ім усе кніжкі ягонай гістарычнай нізкі. Побач стэлаж. Аформлена прыстойна і ўцямна: “История Бреста из рук автора”.
Там тыя сама кнігі – на аматара гістарычнага перыяду.
Васіль Сарычаў сам аўтар, сам выдавец, і сам, вось, прадавец. Таму што цяпер літаральна паводка турыстаў з Расіі. У асноўным, самаходам, на сваім аўтатранспарце. Якраз зацікавілася кнігай жанчына. Паглядзела, падбухторыла мужа. Набылі тры кнігі. “Для дзяцей. Прывыкла пазнаваць жыццё з кніг, і сына вось хачу прызвычаіць да гэтага”, тлумачыць яна.
“Не вельмі кнігі купляюць, – кажа Васіль Сарычаў. – Вырасло пакаленне некніжнікаў.” Але адступаць наш зямляк не намераны. Яшчэ заўтра, кажа, пасяджу. Два дні.
Так што можаце і вы схадзіць. Атрымаеце кнігу З АЎТАРСКІМ ПОДПІСАМ.